लाजिया फांजिया Poem by Ronjoy Brahma

लाजिया फांजिया

Rating: 5.0

खानाय थिया थिया
मंग'लियाननि मेगन गन्थं,
आदै गोरान रान
हामख्रेँ ख्रेँ सोलेर,
समाया समाया जिन्स लंफेन
एखमबा स्पटिँ राण्ड खलारनि
एखमबा आखान्थि खोबनाय सार्ट,
आफायाव जामग्लि लायनाय हावाइ सेण्डेल,
सान्नाय होन्नायफ्रा खन्थाइगिरियानोसै
जायखौ नुयो बेखौनो जोँ नायो,
बिजिरगिरियानोसै बियो-
गोसो होना जोबोद सानो,
गोदोना जेरदोँ दोँ
खिबु खाख्रेब ख्रेब
केरेतबो रोँगौ बियो
ब्रुचलिनि बायदि बिखा,
माब्लाबा गारां गिदिर
माब्लाबा फिसा गारांजोँ रायज्लायनाय,
जोबोद रागा जोँब्लाथाय-
थेवबो थैस' थांस'
बेजोंनो आंनि संसार
बेनो जिउ आंनि रजे
अनसुला जिउनि रजे।
अनजालिया खन्थाइगिरि नङा
नाथाय खाबु मोनब्लानो
लाजिया फांजिया गावनि रमान्टिक
लाइमोननि हाबिलाखौ खेँफोरना
स्रोद स्रोद लाइसि
बिसम्बिफोराव फोसावो,
लाजिया फांजिया खन्थाइखौ
सोरजिनि बिखायाव फरायनो मोन्ना
दिउ दिउ रागा जोँदोँ आं अनजालिखौ,
लिरबाखि एसेबां लिरनांगौ
जामग्लिलायनाय हावाइ सेण्डेल?
आदै गोरान रान
सान्नाय होन्नायफोरा खन्थाइगिरियानोसै
बेथ' नंगौ,
नाथाय हामख्रेँ ख्रेँ सोलेर?
मा खन्थाइ जाखो बेलाइ?
इसाननि मोनाबिलि
रुपनाथ ब्रह्मनि आंनि खैनाखौ
फरायनो मोनबाय ना मोनाखै बेलाइ?
मा खालामगोन मा मावगोन
रागाजोँ मबाइलखौ फिउ गारहरदोँ आं-
थाइसेबो राङानो गैया
दारमासिनि नांगौ जाब्लासो! !

लाजिया फांजिया
Monday, September 28, 2015
Topic(s) of this poem: poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success