जाम्बि बुरै आबै फाथंआ
सल' खिन्थानो नागारै माबा माबि,
खेरेन्दायनि आथिँआ जौसेथा थागारोलायनो
थानोबो हागौ-
सानग्राफ्रा मिथिगौ बेखौ।
नाथाय जाथो जाथो मोनसे बाथ्रा
थाबायनाय समाव सान्नो हाब्ला
आनजादाव उथ्रिनो हागारोलायनो!
बयबो फास जानो लुबैयो
आंबोथ' फेल जानो लुबैखाया
सानसेखालि सानगारबाय आं-
से नै थाम ब्रै बा
हां खनसेनो जौसेयाव थाबथाबाय,
नंमारगौथ' जौसेयानोमार,
खेरेन्दायनि आथिँआ जौसेथा।
नाथाय- -
सान्नायनि अनजिमाया जौसे मोनस्लाबैयावनो
गुदुंआव थ्रोब हाबगारदोँनो खेरेन्दायआ,
बयनिबो दे: सा: सा: याव थाबथाना
नायबाय आं गैमारलिया,
थेवबो साननोथ' हाबाय
आनजादाव उथ्रिसिगोन आं।
उथ्रिनोबो हागारदोँ आं
थाखोसे थाखोनै थाखोथाम थाखोब्रै
जाम्बि बुरै आबै फाथंआ
थरफा थरफा रसगल्ला मोनजाबोदोँ
थैना थांनाय समसिम गामला मोनसेयानो बारदोँ।
This poem has not been translated into any other language yet.
I would like to translate this poem