मोजां मोननाय Poem by Ronjoy Brahma

सिख्ला: आं नोँखौ मोजां मोनो
सेँग्रा: बे फंसे रावआनो मोजां मोननाय नङा,
हाजारबार बुंब्लाबो
बे फंसे रावआनो राव,
जेसेबां गोदै रैसुमै जाया।
सिख्ला: बिदिब्ला, मोजां मोननाया?
सेंग्रा: नोँ गाबनांगोन,
मिनिनोबो हानांगोन नोङो।
गले गले रायज्लायनो-
लाजिनोबो रोँनांगोन नोङो।
लाजिनायखौ गारनोबो हानांगोन।
आरो बुंबावनांगौ? ?
सिख्ला: गोसो गोरबोनि अनगा सोलेरखौबो,
आं नोँनो होनांगोन?
बिलिरनाय खुदुमनायबो होनांगोन?
सेंग्रा: मोजां मोननायहा थि सिमा गैया,
बिनि जखा दासिम रावबो राननो हाया।
खन्थाइगिरिया जेसेबां लुबैयो,
बेखौनो बिजिरगिरिया सिमा
होनो हायै बादिनो।
सिख्ला: बिदिब्ला,
मोजां मोननाया मा? ?