हरनि सान सोरखियाव Poem by Ronjoy Brahma

आं फुरि ना सेंग्रा?
दै गुदुं गुसुजोँ
थाव गोथां लगायनानै
मैदा नानायबादि नादोँ आंखौ
-
नाग्लि नाग्लि अना खाना
ग्रौ ग्रौ गोदौनाय
थाव साराय गुदुंआव गारसनदोँ
सदा बिलिरना थिफुनायबादिनो
आंनि गोरबोआ थिफुखांदोँ
-
नाथाय आंहा बोलो गैया
बोख्लाब बोख्लाब बिसोरो
फुंनि सानजौफुनि...
-
आंसो मिथिगौ-
बेसे बाब्राबनांदोँ आं
थाव साराय गुदुंआव
फानलु संख्रिया बेसे अरदोँ
अरै अरै बेसे सोगाबदोँ
-
हरनि सान सोरखियाव
बेसे बाब्राबदोँ आं
बेसेदि खुब्राबदोँ आं
-
राहा गैया अब्लाबो
माब्ला जोबगोन बे समा
थिक थिक गिदिँनाय घड़िया
माब्ला बबाव सिरिगारगोन होनबा? ?