आं नागिरनाय बिलो Poem by Ronjoy Brahma

रायक्षसि दानब खौगानि गोलेर
गोफार गोफार माराम हाथाइ
खुगा गोफार राबणनि सोलेर
बेद्लाव जिबौनि नब'थि गैया बेवहाय
-
गोगो निजोरा बोहैहोगोन
खांख्राइ नाथुरमोनहा
बेयाव बयबो हानजा हानजा मोसागोन
थेँगोना बालाखावा फिथिख्रिमोनहा
-
बेयाव दाउब' मासे फैनो हाया
लोरबां उखैहाबनाय उदै लानानै
बारलि जिबौ दन्दा फैनो हाया
सोरलाब सोरथाब खंख्ला उदै लानानै
-
बेयाव बयबो खुसि
रावहाबो उखैहाबनाय रसा गैया
नोँ गाबब्ला आं गाबनाय
बियो खुसिब्लानो आंबो खुसि
-
बेयाव नांनायनि बारा
गोब्रा अन्थाइ गैया
नांनायनि बांसिन रिमोनद्ला
अन्थाइनि बिसान गैया
लाद्रा लुद्रा बादामालि
जिउ गोरबोखौ दुखु होनाय
-
अराय बोहैनाय गोगो निजोरा
फुवा फुवा-
गेन्दा जानो रोङै
रावबो रावखौबो फोलानो हायै
स्रां स्रां बिलो बियो।