नोँ होलांनाय बिबार Poem by Ronjoy Brahma

हाथायसालिनि हाद्रि नांनाय
लैथो बिलोआव बारनाय नङा
बारि खनानिबो बिबार नङा
बयनिबो मेगनाव हायना नांनाय
-
बिहा मोदोमाय गैया
थेवबो नंखाय नङा बियो
नोँनि मिनिनाय लाजिसुलुनाया
बेयावनो दंथारो गासैबो
-
बिबारखौ नायै नायैनो आं
नोँजोँनो रायज्लायथारो
नोँखौनो खुदुममारो आं
बेसेबा गोजोन्नाया बेवहायनोथार
-
नोँनि गारां देँखो
मोसानाय थाबायनाय
बायदेमलाय जान्जि सोमावनाय नोँनि
बेयावनो नुयो आं बार बारनाय
खोलो खोलो गोजोन मोन्नाय
-
नोँ थाहैदोँ गोजानाव
नाथाय नोँ आंजोँनो थालांखाबाय
नोँनि रोजासे लेखा बिलाइयाव
गेवलां गेवथां बिबार आखिनाया
नोँनि मिनिनाय लाजिसुलुनाया
बेवहायनो दंथारो बेवहायनो
-
रैसुमै सना नोँनि बे
गोरबोआव गारजाबलांनाय बिबारखौ
जिउजोँनो आङो आजावदोँ
मोदैजोँबो आं फिसिनो हाया
खुदैजोँबो लह्राय होनो हाया
-
बियो आंनि जिउसो सना
नेवसिब्लाबो आं
खोमाब्लाबो आं
नाथाय आं मानो खोमानो
गोमायोब्ला आंलाय बहा थानो? ?