Ronjoy Brahma

Gold Star - 38,735 Points (2 November 1995- / Amteka (Chirang) /Assam, India)

जाहिर - Poem by Ronjoy Brahma

सना दखना गान्नानै फुंबिलि समाव
लोगो हमफैदे मिनिस्लु मिनिनानै
खानाय बिरहोना रैसुमै बाराव
-
मिनिसुलु सना देलायनानै
फैदोल' नोङो लाइमोन गोसोनि बिगोमा जानानै
बाराव बिरनाय गोसोखौ बुरखायनानै
-
आं नोँखौ मोजां मोनो
ओरैबादि मोजां मोनोदि
सिखिरिया नोँखौ जाम्बिसो सानगोन
नाथाय बियो जाम्बानि सान्नायसो
फै नोङो गाबज्रि हरनाय आंनि
रैसुमै खबामनि आगानजोँल'
-
मुलुगा फावथिनासालि सेक्सपीयेरनि
जाय नोँ सान्नायबादि नोरोक नङा
फैदोल' सना नोङो-
साबसिन फावथिना हानजायाव
जायखौ अख्रांनि हाथर्खि हाला
नोरोकफुरिनि बयबो आफा खबो
-
नोङो नंखायखौ मिनिनो नाङा सना
गले गले देरहानायनि थाखायबो
सैथोनि देरहानाया खेबसेल'सो
नाथाय बे देरहानायाव नोँ रंजाया
रंजागोन मुलुगनि दंनायमानियासो
-
आंबो रंजागोन सना साबसिनै
नोँखौ जुलि लानानै
नाथाय नोँनो होनो जेबो गैया आंहा
जाय आंनाव जोनोमनिफ्रायनो गैखाया
अब्लाबो आं बावनाय नङा
नोँनो अन्नायखौ होनो सना
-
हाथर्खि हाला सान अखाफोर
दैमा-दैसा हाजो हाला
बिफां-लाइफां दाउमा-दाउसा
जोँनि संसार मोनसेनि सुखु-दुखु
-
बिसोर जोँखौनो नायहरगोन
अरायसम अराय जिउ
मोजां-गाज्रिनि खौरां लागोन
मागो-बैसागु रंजाफागोन।

Topic(s) of this poem: love


Comments about जाहिर by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Friday, October 23, 2015



[Report Error]