आं, आंनि लोगो जोथ्रोद दुगा Poem by Ronjoy Brahma

बियो गोदो लामा खान्दाय बोनग्रामोन
आंबो गान्दौला हमग्रायानोमोन
खिब्र'मा बादि अखा हादै गांफौ सौलायहोग्रामोन
आं आरो जोथ्रोद दुगा सानैजोँ
-
गेजेर जाम्फैनि बैग्रि जाखुमाव
एन्जर बाथासिरा गावनायाव
जोथ्रोद दुगाया एक्सफार्ट
-
हाजो मावरियानि खोलाहा
बिमानि बालाबारियाव
सिलौरा हमनायाव आं
-
बेफोर उन्दैनि बाथ्रा
गोसोखाङाब्लाबो जाया सम सम
सानैजोँ लोगो मोनलायब्लाथ' दाहोन
सेंग्रा नेमखिया प्लेटआवनो थागोन
-
बाङाइ गामिनि बंङाइगाव कलेजाव
सानैजोँनो फरायदोँ जोङो
गंफा गंफा लजिँ लानानै
नोङो नोँनो आङो आंनो होन्नायबादि
-
लामा सामा अन्थाइ जोथ्रोदग्रा
मुंदांखा जागारबाय बेसारा जोथ्रोद दुगा
आंबोथ' मुंदांखा जथा दुगा
खाबा खाब सोँखारिनायनि।