Ronjoy Brahma

Gold Star - 35,428 Points (2 November 1995- / Amteka (Chirang) /Assam, India)

मोकथांसो दावहाथिलि मुलुगनि - Poem by Ronjoy Brahma

फागुणनि बारजोँ गोर गोर खारबोनानै
थाब्रुम गोबाख्रबना खुदुमनाय
बै समनि बुब्लिखौ आं बावबाय सना
-
एडेन बागाननि सेर सेर
रमिअ' आरो जुलियेट मोननि
रावना रावनिनि मोजां मोन्नायखौ गोसोखांनानै
(आदम इभनि मोजां मोनलायनायखौ
बावफ्लांथारो आं)
बाथौ गिदिँ गिदिँ खोथाहोनायखौल'
आं बावनो हालिया सना
-
सिमांआव सा कामरुपनि
निलाचल हाजो सेराव
आलो गोजोन संसार जानाय
माहुर दैसा सेर सेर
जोँनि रमान्टिक गेलेनाय
बेयो सिमाङानो जाथोँसै सना
-
अब्लाबो दाइरियाव एरखां जाथोँ
आं नोँखौ बावनो हाब्लाबो
नाथाय नोँखि आंखौ बावनो हामारगोन?
-
लुन्दुन लुन्दान मोदोम गंसे
जेखाय खबाय बाना लाबोनाय
रिदि रिदां खाम सिफुं सेर्जा
नांगोल जुंगाल दाङानाथा जेन्थोर
आजै आजौमोन हादान लाफैनाय
नोँनो खोनाबाय सना
चीन तिब्बेतनिफ्राय भारतसिम फैनायखौ
-
नोङो मिथिगौ सना
रामायण महाभारतनि दावहाखौ
बेफोर सिमांनि नङा सना
मोकथांसो दावहाथिलि मुलुगनि
-
मा नोङो गाबदोँ?
आंदि आरोबाव दावहायाव ओँखारबाय
नोँ दागाब सना
आबै आबौआ फबना गालांनाय
मायबां थैफ्रा दिमाफुर
खासफुर नेफाल प्रागज्योतिसफुर जेरावबो
थरफा थरफा हिराया दाबो दं
-
नोँखौ आं जुलि लागोन सना
नाथाय दिनै नङा गाबोनसो
आबाद खालामगोन सानैजोँ
गेवलां गेवथां बिबारनि
अखाफोरनिफ्राय हासार लाबोनानै
जाय माब्लाबाबो लह्रायनो रोङा।

Topic(s) of this poem: hope


Comments about मोकथांसो दावहाथिलि मुलुगनि by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, October 25, 2015

Poem Edited: Sunday, October 25, 2015


[Report Error]