Ronjoy Brahma

Gold Star - 35,428 Points (2 November 1995- / Amteka (Chirang) /Assam, India)

मेंग्लिनाय मेगननि जोख्लोबनायाव - Poem by Ronjoy Brahma

नाङाफाङा दुखु गोनां
दाहोना लावखारनि सिफुं दामनाय
गोसोआव फैयो
मेगनाव जाखाङो
आय' गैलिया मोकथां बियो
-
गोदो गोदो उन्दुनाय समाव
रुम्बां रुम्बां खाम
गुर्लाब बाग्दावलायनाय फुंआव
आय' गैलिया सिमांसो बियो
-
सिमांआव नारसिन जायो
बगलरिदनि खे खे मिनिनाय
लानजाय फिथेँ मोसानाय दाउलुरनि
रैसुमै गारां खौऔनि
आय' सिमां-मोकथां बैसागु
-
बोहैगोलाव समनि आसौ बिसौ
बादुवा गेलेनाय आलौ जाम्फै
आय' गैलिया मोकथां बियो
खांख्राइया दैबाय ज्रिँ रानलांबाय निजोरा
-
बगलरिद गेब गेब
नै आबै नोँनि खुगा गागेब गेब
एम्बु खुगा आबौ जालुवा
गैले समनि बिन्दोआव
आय' सिमां सिमां दैज्लां-मेसेँ
-
गबजब गबथब कातिक-मागो
सल' जारि रामायण महाभारतनि
दुंब्रुद अगदाबाव
आखाय हांस्रोना गत गत
फोरमायलु फारि फारि खिन्थानाय
गैले आय' उदां-दुफांनि बाज्ल'नायाव।

Topic(s) of this poem: time


Comments about मेंग्लिनाय मेगननि जोख्लोबनायाव by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Sunday, November 1, 2015



[Report Error]