Ronjoy Brahma

Gold Star - 35,125 Points (2 November 1995- / Amteka (Chirang) /Assam, India)

आं रमान्टिक नङा? ? ? - Poem by Ronjoy Brahma

समायना माहि नायनो जरासे
बिखा रोजा दाउथु गल्दुमाखौ
फ्राद अन्थाइ थायसे हगारदोँ आं
बोफ्लाव बोफ्लाव बाथुलखौ
-
हास्थायनाया फेलेँसो
दालाइयावसो नांदोँ
आययै-
गां गैयामोनब्ला!
पिक्सन बादिनो सानफ्लांदोँ आं
-
दुफावलु जोमैया एसेबां अन्थाइ बिखा
सान्दुं नांनाय सोलेरखौ
मदद होनो हायामोन-
रोमोदो दखना बनानै अख्रांआव?
-
गुदु अरननि जुनार खुलियाव
जुनारनि मेला फोर्बो
बिसोरो आंखौ गिनानैनो खारा
आंदि सासे फलान
-
फालो फालो फैयो सिथोँ सिथा
गोदोना मस्रायनो नाथाय
आंहा बोलोआनो गैया
हे गसाइ-
गंसे गादाजोँ मासेल' गावथारनो हायो
एके-47 थानायमोनब्ला.....
-
बिसोर आंनि लोगो
बिसोरखौ आं अरग्लि अरग्लि जागोन
मानोना
बिसोरखौ आं मोजां मोनो
आंनि सोलेरखौ मोजां मोन्नायबादि
-
बिसोरनि जिउखौ? ?
जिउआ आंजोँनो थागोन
बिसोर आंजोँनो थागोन
सिफियाव सोना लागोन आं।

Topic(s) of this poem: peace


Comments about आं रमान्टिक नङा? ? ? by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, November 2, 2015



[Report Error]