Ronjoy Brahma

Gold Star - 35,583 Points (2 November 1995- / Amteka (Chirang) /Assam, India)

आबैया जेनेरेल - Poem by Ronjoy Brahma

बोथोरनि आबाद बोथोराव
सान्नाय होननाय गोरबोआव
मावनायाव गियानआव
-
आबैया जेनेरेल
बोथोरा सोलायबाय थायोआनो
आबैयाबो रोजा गोबा हि
मावनायाव थानायाव
-
गोलोम बोथोरनि गोबा हि
सुरिदार मेख्ला हार्सानि
(हाप्पेनखौ गाना लाजियो)
गोजां बोथोरनि दखना बायदि
जा गोरोबो
(बुरैद्रायबाय बियो
लंफेनखौ गाना लाजियो)
-
स्लद गोलाव खानाय हगारनानै
फुंजानि फुंजानि
गुगुरुब बाथौ बोरायखौ खुलुमदोँ
-
खुदुमथाव लाथावथाव
बिनि उनाव
जोँमा सान गसाइखौ
आखाय खबजबै खुलुमदोँ
-
ठं ठं गिर्जानि घन्टाया रिँफैब्ला
देलायै साजायै
मिनि खुसि गिर्जायाव थांदोँ
लोगोआव मायरं थफ्लासे
-
फुंआव अबंलावरि गसाइ
बिनि उनाव परम ब्रह्म सोर्जिगिरि प्रभु
-
आल्ला होन्नाय खोनाब्ला
आल्लाखौनो होनफायो
कृष्ण होन्नाय खोनाब्ला
कृष्णखौनो होनफायो
राम होन्नाय खोनाब्ला
रामखौनो होनफायो बियो
-
मानोना आबैहा गियान दं
सोदोमस्रिनि गलायाव
बायलाय फानलाय खालामनो
बेहा थोजासे बेसेन दं
-
बियो बुङो-
नोँनो मैथा हाजि रांरासि
बारि गंथामनि सासेयानो जादोँ फान्थाम
जै आफा बाथौ बोरायनि
ॐ सान्ति सान्ति सान्ति
आमेन।

Topic(s) of this poem: peace


Comments about आबैया जेनेरेल by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Wednesday, November 4, 2015



[Report Error]