दिमोन दैखुन्दानि सेराव Poem by Ronjoy Brahma

दान्दिसे समनि लोगो मोन्नाय
मोनाबिलिया
दान्दिसेनि उनावनो आंखौ नागारलांगोन
खोमसिनि गेजेरजोँ खोमसि खोमसि
-
आखाय सोमाव सोमाव
अनजालिखौ बिदाय हरदोँ आं
दिमोन दैखुन्दानि सेराव गसंनानै
सम बावना खोमसि खोमसि
-
बैयावनो आबौखौ फबनाय जादोँ
बियो दा बुहुत जाबाय
गोजांस्रिउ गोजांस्रिउ मोनो
बियो दा खांख्राय खन'नो ओँखारगोन
-
बैग्रि फांसे बिनि सेरावनो
दाइनि बुरैखौ फबनाय जादोँ
बियो दा साम' खनबायगोन
आंखौ नुब्ला आंखौबो होसोगोन
-
गिदोँ आं आय' गसाइ
दिमोन दैखुन्दा
बेयावनो मोनसे गामि
जायफोर संसारखौ आंगायबाय
हारां हाथां गुदुं बार।