Ronjoy Brahma

Gold Star - 35,465 Points (2 November 1995- / Amteka (Chirang) /Assam, India)

हरनि उनाव सानआनो फैयो - Poem by Ronjoy Brahma

सानबोलावरियाव लोथो मेंग्लिना
आं सानफ्लाङो एखमबा
खरलेब आयना गंसेयाव
थरथिँसे दैनि मोनसेबाव सायखं नागिरनो
-
आयलि जायलि मोनाबिलिनि खानाय
आरोबाव-
साल दंफांजोँ सायखं जानाय
खोमसि खोमसि बे अरनखौ
सिँखावै सिँखावै सिँखावलांदोँ
गोसोनि गोफाद गंसे जिलित
-
हाजोनि दानब अन्थाइ मोदायखौ
थब्लं थब्लं थुफ्लं लाङो
निजोरा सुदेम बोहैहोयो
अनसुलि मिथिँगानि गेजेर गेजेर
-
ग्रह' नक्षत्रआव हादान जाहैनाय
आबै-आबौ लांहानियाव
लाव जोगोनाद बेगरखौ आदि लायनो
आयराखियाव थिखोना
अनजालिखौ थिनहरो आं
-
जुब जुब अखा गोग्लैबोयो
अनजालिया सौहैग्रोमोना
गरफा गरफा खनखाङो आं
जानला बैसां होनानै
गरफा गरफा फिथाइनि बेगर
-
बेनिखायनोथ' नांगौ जोँनो
मेँनायनि मेंगानाय होनो साया
उखैनायनि जानाय होनो आदार
-
आरो-
थांना थानो साननि उनावबो
उन्दुनो थाखाय जिउनि हर
मानोना समा थैया
बिसोर बोराया आरो मेङाबो।

Topic(s) of this poem: knowledge


Comments about हरनि उनाव सानआनो फैयो by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, November 7, 2015



[Report Error]