Ronjoy Brahma

Gold Star - 35,046 Points (2 November 1995- / Amteka (Chirang) /Assam, India)

संख्रि गोनां रेबदै - Poem by Ronjoy Brahma

गोदो आबै-आबौ जोगारनाय
जोगारगासे अन्थाइ
खदालसेल' बाला सेरेप
बिमानि बैफोरबादि मैलाया
बेयो दिनै बिसोरनि सना
-
उरै गुन्जेर अरगु लायनाय
औवा फेरायजोँ दुमखन्नाय
सिजौ बिफांखौ मानो खुलुमबावनो?
हेलिकप्टार गाखोना
सोरांहोग्रा अखाफोरखौनो गाग्लोबदिनि
-
जोँ मंगल हाथर्खि
आरो सनि रबिमोनखौ
गोसो जाब्ला साफा साफा
गावथार जोबनो हागौ
माबा हिमालयखौ जावखुनो
रांखो थेबगांनि बोलोखौ नांबावगौदा?
-
पर्बझरानि साल मुराखौ बुखुनो
ब्रह्म हादोदनि मैदेर गुफुदखौ नांलायला
जोँ गोसो जाब्ला
थेब्लेट गरसेजोँ
गोलेर मासेखौ फुथुनो हागौ
एबा बाथौ बमा थरसेजोँ
सिगुण फालोखौ होहरनो हागौ
-
दिनैनि बे मुगायाव
सोमदोन जोहोलावनि मिनिनाया
मिनिनायल'
बाथ्राखौथ' मिथिगौ-
रेबगन होन्नाया मा?
-
बिजि बादि मेलेम
संख्रि गोनां रेबदैजोँ
जोँ दजनसे सिगुण राजाखौ
बेल्थाय होनो हागौ
लेवार बेलावा संख्रि गोथारजोँ
आद्रि आद्रि बेल्थायनाय बादि।

Topic(s) of this poem: pen


Comments about संख्रि गोनां रेबदै by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, November 9, 2015

Poem Edited: Monday, November 9, 2015


[Report Error]