नैबे रायजोनि मुङा लाथिख' Poem by Ronjoy Brahma

अनजिमानि अनजिमा बेयाव जेबो गैया
नोँसोरदि लाथिख'खौ लुबैया
नाथाय लाथिख'खौ गोबानानैनो
दिनैबो आङो थांनानै दं
-
बेद बाइबेल कराणनि जोनोम
बेयावनो नैबेयावनो जादोँमोन
आदम इभआ बेयावनो
गाबै गाबै सोर्गोखौ नागारबोदोँ
-
महाभारत रामायणनि दावहा
अडिसि आरो इलियाडनि दावहा
राम कृष्ण यीषु बुद्धआ उजिदोँमोन
-
दाउआ बिरो नाफोरा सानस्रियो
मानसिया बिरदोँ उरां जाहाजजोँ
बेबादिनो लाथिख'आव गोमादोँ
-
नोँसोर नंखाय सान्नो हागौ लाथिख'खौ
नाथाय आन्दायगोन सानखान्थिखौ
बेखायनोथ' दिहुन्दोँ आरियाबात्ताया।
-
नंखाय नङा
नैबे रायजोनि मुङा लाथिख'
दाउदैनिफ्रायनो उजिदोँ दाउदैयावनो गोमागोन।