आं आरो लामाखान्दाइ Poem by Ronjoy Brahma

आं आरो लामाखान्दाइ

Rating: 5.0

बोर्सि नङा सना
नोँनि गोदोनाखौ आं हायख्लाबा
नाथाय-
सना माला माला माला
-
बे मालाखौ नोँनो गानहोनि रजे
थाखोमा थाखोमा हास्थायो आं
जेन'बा आंनि मोजां मोन्नायखौ
नोङो माब्लाबाबो मिथिया
-
नाथाय मागो फागुणनि
गोरान बिलाइ-
मा इसे अन्थाइ बिखा फालाइ?
आंनि हास्थायनाया गासैबो फैमाल
-
अब्लाबो दाबो
आं नोँखौ मोजां मोनो
आं सुजुनाय आंनि मालाया
नोँनिनो सना नोँनिनो
-
आं साजायनाय आंनि
गेवलां बारग्लां बिबार बारियाव
नोँनो समायगोन
रावबो नङा रावबो नङा
-
खेबसे नाजाबावदोँ सानसे
बैसागुनि गोदान बारजोँ
गोदान मिजिँजोँ
नाथाय-
-
रजे नोङो मानो बिदि
मानो मानो? ?
आंनि मालायाव नोँनि हां हगारनाय
सेवब्रुं ब्रुं ब्रुं थाम्फै।

Saturday, November 21, 2015
Topic(s) of this poem: love
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success