दोरसि सिख्ला Poem by Ronjoy Brahma

अखा मोफ्लामदोँ
जुजायनि अरखौ लुखुमुरनो
दाखा दाखा जोमै
फ्लाम-फ्लिम मोफ्लामदोँ
-
मोनफा मोनफा गोरबो सावनाय
बिलिफां बिलिफां समनि सावगारिफोर
रुजुनख' हायै बिबान बिनि
थांना थानो जिउखौ अन्नानै
-
बावैसो जोनोम जाफैगोन
माबा मिजिँ लानानै
जखायथाम बैसोनि बिमानि गोरबोआव
अनथाव बाथाव गोरलै
-
बिलिफां बिलिफां बियो दिनै
बयजोंबो होहर जादोँ
आंगो होन्नाय गोमाबाय बिहा
आंगोनि गन्थं हास'नायावनो
-
सोर लांसुनियाखौ फोथायखो
गावनि सोलेर गथायनानै
जिउ सान्दोँमोन गोरबो होनानै?
फोथायखेबस'नि लाइजाम लिरना होबाय बियो
दिनै नोङो बेखौनो फरायदोँ
फ्लाम-फ्लिम अखा मोफ्लामनायजोँ
-
नाथाय थांखिया मा नोँहा
जोनोम होनाय
दैसायाव फोजाव हरनो?
ड्रेनाव फुथुनो?
ना सांग्रेमानो गथायनो?
बावैसो उजिफैगोन गोरलै
बेयावनो नोङो सोमोनां खुसि!