रमान्टिक नोँ बांसिन
गोसो गोजोनल'सो खालामो
रमान्टिक नोँ बांसिन
बोदोरसो खालामो
-
नोँनि समायना बिलाइ फाइलि
गाब सावगारि महरफोरा
नोँनि रोजाबनाय हांमा सुरनाय
नोँनि मिजिँ मिनिस्लुनाय
मनालिसानि ना सति जयमतिनि?
कैकिनि ना बिहुलानि?
-
आदा होन्नाय रैसुमैनि
बेसेबां मिवरो मिवरो
सना होनोब्ला गोजांस्रिव मोनो
जिउ रजे जिउनि होन्नायफोरा
नोँनो आं आंनो नोँ होन्नायफोरा
-
रमान्टिक-
नोँनाव मिनिस्लुनाय
नोँनाव गाबफ्लानाय
नोँनाव फोलानाय दं
नोँनाव बिखा सावनाय दं
-
रमान्टिक
रमान्टि रमान्टिक
आदम-इभनि सल'
रावना-रावनिनि सल'
आलारि दामब्रा आसागि-बैसागि
आरो मैयानिसो रमिव-जुलियेटनि
-
हाबाब मोदैजोँ सोरजिनाय
निहोरबादि रमान्टिक
आंनि मोदैया थायोब्ला
आंबो बावनो हाया नोँखौ
आंनि गोसो गोरबो नोँनो।
This poem has not been translated into any other language yet.
I would like to translate this poem