नोँ फैयैआनो गाहाम Poem by Ronjoy Brahma

फालि लानानै गोरबोनि
नोँ मागियो माबा
अनजालि आं मा राहा दंदि
नैबे हराव नोँनो बिलाइनो
-
सैमा सोँनाय हराव
फेसायाबो मागियो जिउ
सेर सेर फुर्णिमानि लांगोनायाव
सांग्रेमानि मेसेबनाय
-
अनजालि आंहा मा राहा दंदि
नोँनो होनो गोजोँसिन गोरबो
दोँ फैयैआनो गाहाम
नोँ दाफै सना
जम राजाया आंखौ लाजि फोनांगोन
-
बाथि गंसेल' दं
गोसो मोनसे लोगोआव
आं बहा दोननो नोँखौ रजे?
आंनि गंसे देरायाबो दा
सोरनिबा आखायाव दिन्दां
-
बहा थानो रजे
आंनि गोरबोआवबो हांगामानि अर
नोँ बहा गोजोननो
दावहायानो आंनि जिउ
नोँ फैयैआनो गाहाम
-
नैबे खोमसि मुलुगनि
नैबे खोमसि लागोआव
नोँ जेवारि फोजोँनो हागोन
नोँ बनजारखौ हले दैफै
-
नाथाय नोँ जोबोद अख्रा
गावनिल' थाखाय खेबसे
नोँ देरहानो लुबैयो ना?
गावनि देहा एंगारना जिउ होनो
खोमसि गोरबोनि थाखाय
-
नोँ आंखौ आख'-फाख' खालामो
खोमसि मुलुगाव
आंनि देरायाव मानो खोमसिखौ
मानो लुबैबावो सना?
-
नोँ फैयैआनो गाहाम
आंहा मिजिँ दं
जिउखौ थांना थानो थाखाय
आंहा गोरबो सोलेर दं
-
बे गोलाव खोमसियाव
हांसो सिलारिया थियारि
रंजानो दाउसिन दाउला
बिरगोन फुंआ फैब्लानो
नोँबो फै अब्लासो सान्दुं सायनो।