जोँ बादारि मोनसे मुलुगनि Poem by Ronjoy Brahma

हायेननि सुफिन दामै दामै
खन्थाइ मुलुगाव
खन्थाइगिरिनि गोरबो सिंखावगोरा
जोँ जोहोलाव दै बाज्रुम
-
मुलुग सोदोब बिहुंआव थानाय
मोनफा मोनफा सोदोब
सोदोबनि ओँथि संग्राफोरा
जोँ खन्थाइगिरि बिजिरगिरि
-
खाम सिफुं जथा
थर्खा जाबख्रिँ बाथा बिबुं
जोँ मोनफा हारिनि आगजु
सोदोब बिहुंनि बेँखनाव गिदिँनाय
-
सोरबानि हादराव
सोरबाजोँ दैदेन जानाय
गोसो देहाफोरा जोँनि जोन्थोर
बोथोर आरो समनि सेर सेर
जोँ बिबायारि गोदान बैसागुनि
-
जोँनो रोदा
जोँनो बिफां बिलाइ
दालाइ बिबार फिथाइ
जोँनो जोलै जोँनो इयुन
बैसागुनि बारदै सिख्लाजोँ रंजानो
जोँनो बोथोर बोथोरनि
मोकथांखोर अराय
-
दाबो दामफै हायेननि सुफिन
खन्थाइ मुलुगाव जोँनि
मुलुगनि सुखु-दुखु फामुआव।