बायदि फाइलि गांब्रै Poem by Ronjoy Brahma

1.
नोङो मेवाय आगर
जेन्थ'खा
गलाब आगर
गेवलां गेवलां बायदि आगर
आखा-फाखा रोँखागौ सना
आरोबाव सान्दोँ नोङो-
आं गानगोन घुति गामसायाव
फुल मोब्ला आगर एरनो?
2.
नोँ दागाब सना
हांमा दासुर नोङो
नोँनि बे खुसिखौ
साफागुरिनि लाइलन ट्राकआ
सोनाब बंग'आव गारहैनो हाया
आरो सान्दोँ नामा नोङो-
जम राजाया लांनो हागोन
नैबे एके-47 थानायाव?
3.
अमर खायामनि दिक्षा मोन्नाय
मालि खुंगुरआबो
केमुनि आगानखौ नुदोँ
दा जिउआनो खबाम दोरोद्नाय बिनिया
बिजिरगिरि नोँथांमोन-
मा सानबावदोँ माइक्रस्कपजोँ?
4.
खन्थाइगिरि बाबुफोर
फै थांनि हरै
गोरबोआव Symbolic सिथाबनानै
बन्थ मुरा जोँनि सिलानि
अप्रि मोनामनाय समाजनि
जिगाब बुन्थाफोरखौ हांगार खालामनानै।