Ronjoy Brahma

Gold Star - 35,428 Points (2 November 1995- / Amteka (Chirang) /Assam, India)

गोजांस्रिउ गोलोमस्रिउ - Poem by Ronjoy Brahma

ब्लाव ब्लाव गय दनायखंनि
अर सायनानै
आं मेंग्लिबाय
थेवबो आं जेन्नो राजि नङा
बयनिबो गुसुसिन बे हरजोँ
-
बालाबगासे हरखौ फेजेन्नानै
दान्दिसे रंजानाय मोन्दोँ
फुंनि सान्दुं बार मोन्नानै
दा आं गोजांस्रिउ गोलोमस्रिउ
-
मानसिनि बिगुर मानसिया खुदोँ
लिरदो गोरबोखौबो जावखा जावखा
मेलेमनि बेसेनखौ खमायदोँ
मोदोम गिलिरनि बेसेना बांदोँ
-
मिथिखा बुजिखा सोर बियो
गावनि थैजोँ आबाद फोथांनो
रानस्राव हायाव हाब्रु जायै
मिथिगौ थैया थै नङा जुनारफोरनि
थै लोङोब्लासो गांगायो बिसोर
-
आबादा बिलाइ खिलिबाय
सोर आबादारि दंबावो दिनै
बिलाइ गांनैयाव इयुन सिनायनाय
बबेनिफ्राय फैयो एम्फौ
बबेनिफ्राय जागोन जोबनाय
-
थै होग्राफोरनि आगान नुनानै
बिखा जाग्राफोरनि मेथाइ खोनानानै
बबेजोँ थांनो बबेजोँ खारखोमानो
गावनि गंसे देराखौनो अनसायनो
गोजांस्रिउ गोलोमस्रिउ मोनो आं।

Topic(s) of this poem: feelings


Comments about गोजांस्रिउ गोलोमस्रिउ by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Saturday, December 12, 2015



[Report Error]