रैसुमै: बिबार नोँ आं सिखिरि Poem by Ronjoy Brahma

मिनि गेवलां मिनियो नोङो
देमलो हायलो मोसायो
ददेरे ख्रेब मेगन मोख्रेबो
बायदि समाव गंस्रियो
रजे हाथासियाव गाबो नोङो
-
बेनो गोसोथोनाय नोँनि
रजे गोसोथोयो आंखौ नोङो
जिउ गेवलांनाय बेनो
बेनो गोसोनि थफिनाय
संसारनि गोजोँ रिफिनाय बेनो
-
नोँनि बेफोर लुबैथाव
महर मुस्रि
नोँनि मिनिसुलु लाजिनायखौ
आं गोमोयो
रजे बेखायनोथ' आं गोसो थोयो
-
बै बिबार बै बिबार
नोँबादि गैया गलाब
बिसोर खालि गाबोल'
बिसोर खालि रंजायोल'
बिसोरखौ आं हास्थाया
गोबां नागिरबाय नोँबादि मोना
-
नोङो लाजिसुलि रजे
नोङो मिनिसिरि मिनिसुलु
देमलो देमलो हायलोलो नोङो
बिबार नोँ आं सिखिरि
-
रजे आंनो खोमसिखौ
हरजोँनो नांगौ
आंनो सोरांखौ सानजोँनो नांगौ
नोँनि समायनायखौ नोँनि लाजिनायजोँ
नोँनि गोरबोखौ नोँनि गोरबोजोँनो रजे।