रैसुमै: बोथोरजोँसो बोथोर फैयो Poem by Ronjoy Brahma

बारा बारोब्ला बारजोँ
आं गोजाव लांगोन नोँनिसिम
नोँ जेराव नेना थायो बिफां सायायाव
-
दैसाया बोहैयो गावनि खुसिजोँ
जेरै गावनि दुखुखौ लाखोमानानै
अराय थांना थासान्दि
आंबो नोँनिसिम सानस्रिगोन
-
नोँ मिथियै आंनि
आं हाबिलास लानानै थांगोन
नोँ जेरै नेना थायो फारसे रुगुं
-
बै समाव नोँ आं
अखा हाब्ला अखाजोँ
बारजोँ बार बारबोला
जोँ सानैजोँ
सान्दुं दुंब्ला सान्दुंजोँ
-
बोथोरजोँसो बोथोर फैयो
रजे बे रंजानाय
बे गाबनायाव
नैबे मोदैयावबो नोँनि सायखं
-
फैगोन रंजानाय
रजे बै गाबनायाव
नोँ आंनि
सानैजोँनो थांफिनगोन बांग्रिँआ फैब्ला
सोरबानि गोख्रोँसिन आयराखिजोँ।