न' नागारनाय फंबायफोरनो Poem by Ronjoy Brahma

आफानि गोलोमदैखौ
नोङो मुगैदोँ
ना आयनि मोदैखौ
बांसिनै मोजां मोन्दोँ?
नोङो फिन्नाय हो फंबाय
मोन्नै सोँनायनि मोनसे फिन्नाय
-
आयआ बुङो-
नोङो मेलेमनि खसरद बानायाखै
एबा देहा मोदोमखौबो दासिम
नांगोल बान्नो फोरायाखै
-
माख्रा जेयाव नांथानायनि
खरसे गोथौसिन हाखरनि रुगुंआव
बेसेबां दाब्रायनो अख्रा गोसोखौ
नोँ गोसोनि बान्दा फंबाय
-
आफानि गोलोमदैखौ मुगैयो नोङो
नाथाय बिनि बेसेनखौ मानो बुजिया?
आयनि मोदैखौ मोजां मोनो नोङो
नाथाय आयनि गारांखौ मानो अनसाया?
-
नोँ फैफिन फंबाय
नोँनि थाखाय दोन्दोँ आयआ
फिथा सिथाव सबाय गोरान
नैबे सिजौनि साया नांनाय सिलायाव
जेराव नोँ बेवहायनो हान्थुजोँ मानबायजेन्दोँमोन।