गुसु नोँ आंनि सोर Poem by Ronjoy Brahma

लाजिया फांजिया हाबाब नोँलाय
सोर जाखो नोङो आंनिलाय?
उन्दुबा उन्दुफायो नोङो
एब्रेबा एब्रेफायो नोङो
~
दाफै दाफै बुङो आङो
खिनाय हासुनाय समावलाय
दर फांथेनाबो गारबोनो हाया नोँखौलाय
हाबाब आंनि सोर नोङो?
~
हराव फुंआव नोँलाय थाफायो
गोबायै बिलिरै सानसुआव मेंग्लियो
आरोबाव बेलासियाव फैफिनो नोङो
आंनि दुगैनाय देलायनाय समावलाय
~
गुसु नोँ आंनि सोर
ना आंनि लोगो सुखो गयारिसो जाखो
मिथिँगा ना सुदेम बैसोमुथियारि जाखो नोङो
16 नबेम्बराव लोगो मोन्दोँमोन
बेनिफ्रायनो नोँ आंखौ गोसो थोबाय?
~
हाबाब सना अनजालि दंखायो आंनिया
नोँ आंखौ माब्ला नागारगोन होमबानिया
नोँ दाफैसै सना मोनायाव
नोँ दाफै दाफैसै फुंआव
~
आंनि हाबायाव आंखौ गोबानानै
नोँ फेलेँ दाखालामसै रजे
आङो लाइजाम लिरनाय समाव
नोङो आंखौ हेँथा दाहोसै!