रानलांनाय दैसानि मासे साम' आं Poem by Ronjoy Brahma

रानलांनाय दैसानि मासे साम' आं

Rating: 5.0

बे दैसाया अराय बोहैयोमोन
समनि दुंलाबनायाव
बियो दिनै रानलांबाय
~
बे रेगानि
नैबे अन्थाइ थाफायाव
खायजिरबायनाय आंनि दाबो दं
खुसिजोँ सुजुनाय मोनसे जारिमिननि फ्लट
~
बे दैसानि बिखायाव
एलेँगा गोरै मावामोना
सिंगि बामि थथा जाम्बिमोना
आलो आलो गेलेयोमोन
दैसाखौ बिसोर खुसिसिन खालामोमोन
~
बे दैसानि सेर सेर
हांसो सिलारिमोना गेलेयोमोन
मिनि गोजोन सानस्रिबायोमोन
बेवहाय बारोमोन एलांसि सिबुं बिबार
दाउब' हादि दग्लामोनाबो
गामसा दखना बोखो बोखो
बे दैसाखौ लासै लासै बारोमोन
~
रावबो गैलिया आरोबाव दिनै
दैसानि सुलुं बोग्रा खांख्राइमोनाबो
बे रेगानि थरफा थरफा अन्थाइफोराबो
सानफा सानफा गोमादोँ एबा खारखोमादोँ
~
जिँगा आं बेखायनो दिनै
आंनि मेगनाथ' मेसेबगोनानो
आंनि दाइसे जारिमिननि फ्लटआ गोमाब्ला
बे रेगानि जारिमिन बहानिफ्राय सुजुनो सोर?

Monday, December 14, 2015
Topic(s) of this poem: history
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success