एम्बुलुर Poem by Ronjoy Brahma

ज्रिँ ज्रिँ बिलोआ एबा हाखरा रानलांनाय समाव
बिसोर सानो-
आंनि आथिँआ गोख्रोँ जानायमोनब्ला
एबा दासिम आं गिदिर जाबायमोनब्ला
~
आलाय-सिलाय बिमाया दैगारना गालाङो
बिसोरबो लानजाय सोमावनानै थांनानै थायो
लानजाय सिरिब्लानो आथिँ रायो बिसोरहा
~
ओरै गिदिँ हरै गिदिँ
खरसे हाखरावनो लासैयै देरो
नाथाय बिसोर उन्दै उन्दै समावनो
ज्रिँ सान्दुंजोँ दैया रानलांब्ला
बिसोर फिउ फिउ बारलांनो आथिँ गैया
~
उथुमाय आरो लानजाय सोमावना
बबेयाव बिलो नागिरहैनो
बिसोरखौ दाउब' गान्दा थिफ्लिँमोना
माफा माफा मन'यो
बिसोर जेन' दाउनि गरफा गरफा एंखुरसो
~
एम्बुलुर मिजिँ दंमोन नोँसोरहाबो
बैसागुजोँ दान्दिसे रंजानो
गारमा हगारसारनानै
जेत आसारसिम अखा लेँहरनो।