आं गोदान Poem by Ronjoy Brahma

आं अखाखौ गाबज्रिनो बाबाय
एम्बु जानानै
आं बैसागुखौबो
लामा नायनो हालिया
बैसागु फैयाब्ला हाजोनि दैया
बाज्ल' बाज्ल' बोहैखानाय नङा
~
बेखायनो दिनै आं दै खावखांदोँ
गावनो गाव हार्सिँनो
दैखरनि दै
सिलाया हाद्रि जाबाय
बेवहायनो सारना होनि
लाय लाफायाबो बिलाइ ओँखारबाय
बेवहायनो सारना होनि
~
मागो फागुण बैसागु
जेथो होन्नानै
सानखान्थि खालामनांगौआ गोरलै नङा
बेखायनो हाथर्खि सान्दोँ आं
जोँलाय गोमोरलाय
सांग्रेमाफोरजोँबो जानाय नङा
~
नोजोर होनानै
उन्दै समाव आं मार्बल गावनायबादि
नोजोर होथारनांगोन
समबार मंगलबार स्निजनखौ लानानै
आबादआ दा बिलाइ खिलिबाय
~
दै होयै होयै
दिनै गाबोन सानखान्थि खालामनानै
ग्रौ ग्रौ देरहोथारनांगोन आबादखौ
मुस्रि गोनां खालामथारनांगोन
~
स्निजन आं लोगोफोरखौ
साफा मोनफा बिबानखौ होथारनांगोन
नङाब्ला एम्फौ अरनो हागौ
एबा गोसो गाज्रि जुनारफोर हाबफैथारगोन।