दैसानि मुङानो सुदेम Poem by Ronjoy Brahma

दैसानि मुङानो सुदेम

Rating: 5.0

साहानिफ्राय बोहैनाय
नैबे दैसाया
खोलाहाजोँ मिनि खुसि बोहैदोँ
-
बे दैसानि नैबे मारुंआव
गसंनानै
बे दैसाखौनो नायदोँ आं
-
बे दैसानि सेर सेर दं
बायदि उन्दै उन्दै बिफां
उन्दै गिदिर दाउसिनफोरा
बे बिफांआवनो बाफैयो
बायदि महर मुस्रिजोँ
-
दैसानि सेर सेर गोथां
खासि खालारि
बायदि मैगं बेन्दोँ-बेनला
समायना नुबावो खोस्लिफाना बिबार
-
समायना गोजोन सुदेम आय'
बे दैसायावनो आङो
थब्ललाय गोजावलाय गेलेयो
-
नाफोरा हालि हालि
सा सिं दावलाय थब्ललाय
मोसाग्लां बोदोर बैसागु रंजाबायदोँ
आं गोसो जाफायो बिसोरजोँ
-
बे दैसानि सेराव गसंनानै
बे दैसानि समायनाखौ
आं अरायबो नुबोदोँ
बेयाव बारो बोथोरनि बायदि बिबार
-
अखा फ्रि फ्रि थायफ्रिनाय समाव
जायख्लं गले गले नुजायो
दान्दिसे ना एम्बुनि रंजानायखौ
जायख्लंआ नायना थाङो
-
सानजोँ जायख्लंनि
बिसोरनि मिनिसुलु गाबजोँ
नैबे दैसाखौ समायनासिन नुयो।

दैसानि मुङानो सुदेम
Wednesday, December 23, 2015
Topic(s) of this poem: river
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success