आबौ/ बायदि सावगारि आबौनि Poem by Ronjoy Brahma

बायदि सावगारि आबौनि
बायदि बायदि समाव
मोनफा बिसम्बिनि सावगारि
एबा खोन्दो खोन्दो सल'
~
नोँखौनो गोसोखांनानै
रंजाखाङो गोरबोआ आंनि
आबौ नोँखौनो गोसोखांनानै
~
जेखाय-खबाय हेबनायाव
आबौनि थांखु नानाया
म' म' साल बिलाइनि बिड़ि सोबनाया
बेसेदि समायना बेसेदि समायना
~
आबौनि दैसायाव
दाउस्रि देलाइस्रिनि बादि दुगैनाय
नोँखौनो गोसोखांनानै आबौ
गोजोन्नाय मोनो आं
~
सारामाय खिथेबनानै हालेवनाय
लाय लाफा मायसा दांनाय
औवा बुरखानि लावथि सैनाय
~
ग्रद ग्रद जौ लोँनाया
समायना दंमोन बेयावनो
सोदोम गोबां मुलुगनि
~
आं गोदानखौ दोन्नानै
गोजामखौ सानोब्ला
गोजोन्नाय मोनो गोबां
~
आबौआ दा मुरुलांबाय
थेवबो दाबो साया माया
जाखां फैयो
बुन्था सानाय दिरुं फागा होनाय।