आंग्रिमोन्दा/ आंग्रिमोन्दाखौ जोँ सिनाया Poem by Ronjoy Brahma

आंग्रिमोन्दाखौ जोँ सिनाया
नाथाय खोनाब्लानो जोबोद गियो
आंग्रिमोन्दाया माबादि बहा थायो?
नुनाय महरनि ना सान्नायनि?
-
बियो खर' गिदिँदोँ जिम जिम
खोमसि फुर्णिमा हराव
थुब्ला थुब्ला अरखि
गावहरदोँ बिनि मोदोमाव
-
थुबस्रा थुबस्रा गेब्रुदोँ जोँखांदोँ
बिनि मेगनाव सौथु सौथु
आयौ आयौ आंग्रिमोन्दा
गोफार गोफार हारा बेगेँनि जिलित गावहरदोँ
-
हाथर नागिरदोँ खुबैनो
थोर थोर गिदोँ आंग्रिमोन्दाखौ
फैगासिनो फैदोँ खाथि खाथि मेगनाव
खारदोँ बियो हज्रिख्राव हज्रिख्राव
-
हर गेजेर खोमसि हर
सौदाव सौसि बियो खारदोँ
आंग्रिमोन्दा बिनि मेगनाव
हाथाइ हारांगा हारांगा
खाफाल जिलायनाय सुआव सौदावदोँ
-
जेब्ला सानायआ बिनि मोदोमाव नांबाय
बिनि सोलेरनिफ्राय थै गबाय
थै लिलि लाला बेसेबा गोथार
बहा थांखो अब्ला आंग्रिमोन्दाया?