जेन'बा आं खन्थाइगिरिसो Poem by Ronjoy Brahma

फुंनि सान रोदाजोँ
सनाथि माय नारानि निहोरफोरा
थफा थफा जिल मिल जोँदोँ
नायगोमोना दं आं बेखौनो
-
मोसौनि बिखुंआव बानानै
दाउस्रि हाजिमोना दान्दि खालामफैयो
हज्रिख्राव हज्रिख्राव
जेन'बा आंखौ एदावदोँसो
-
फुंनि गावहरनाय जिलिदआ
आंनि बिखायाव हाबफैयो
मोसौ खुन्थियाखौ लानानै दंमोन आं
जारसिया आंखौ बोगासिनो बोदोँ
-
आं मा सानो
मा लुबैयो मा हास्थायो
सोर अबंआव लिरनो?
-
दुब्रियाव आथिँ गासोमनानै
साननि रोदाजोँ
लुबैयो आं
मानबायै मानबायै
गोजोन सोर्गोआव थांनो
-
आं सानो थुनलाइनि गोजान जाया
सोर्गोआव गाखो गाखो
थुंगे गैयै बिदिन्थाजोँ गोरोबहैनो।