खुदियानि मेथाइ/ फेँगुण Poem by Ronjoy Brahma

फेँगुण ओइ फेँगुण
गांलाय दङ नोँसोरहा
गांखं बुब्राब बुब्राब गिदिँ बायनो
बिरनो रोङा अख्रांआव
-
फेँगुण ओइ फेँगुण
फालो फालो बर'पआव थायो नोँसोर
लैथोनि सेर सेर
सानस्रियो थब्लयो रावबो नुस्लाबै
-
फेँगुण ओइ फेँगुण
गुफुर गोसोम गान्नाय खसाब
बहा मोना ओइ बहा मोना?
जोबोद समायना नोँसोरो हाबाब
-
फेँगुण ओइ फेँगुण
सान जारौ सान्दुं सायनानै
अनलायो नोँसोर फालो फालो
मा रायज्लायो नोँसोर जथुमनानै?
-
फेँगुण ओइ फेँगुण
बहा मोना गोदोनानि माला
जोबोद समायो गोजा गोमो
ओइ नोँसेर समायना समायना।