खुदियानि मेथाइ/ बाथि फोजोँनानै Poem by Ronjoy Brahma

खोमसि जाबाय न'आव सफैबाय
बाथि फोजोँनानै
दे दे लेखा फरायदो दे
खारख्राव खारसि गेलेनायखौ बावदो
-
गियानि जागोन लेखा फराय
बाथि फोजोँनानै
दे दे गोसो होदो दे
बयजोँबो सिनाय जागोन अब्लासो
-
द्लाब द्लाब थांबाय साना
बैसोआबो हालो दैलो थांबाय
बाथि फोजोँनानै
दे दे गोसो होदो
-
दावहा फैगोन मेलेमनि
जामबाफोरा जेनगोन
बाथि फोजोँनानै
दे दे सियान जादो
-
मेगन खाना जेरै
मानसि जाम्बा एरै
बाथि फोजोँनानै
दे दे बुथुम गियान दे
-
मिथियैखौ मिथियो बिजाबाव
नुयैखौ नुयो गोरोँ जाब्ला
बाथि फोजोँनानै
दे दे हांखो हाला सिनायदो।