खुदियानि मेथाइ/ जोँनि गामि Poem by Ronjoy Brahma

सोरगिदिँ दैमा दैसा
गायग्रा माय दुब्लि
बेनो जोँनि गामि
गय फाथैनि बारि
-
न' न' माय बाख्रि
मायहुं दं मोसौ गलि
बेनो जोँनि गामि
गोमखाङो मागो बैसागु
-
दैखरनिफ्राय दै खावनाय
न'सिम जानजियाव फाफेरना लाबोनाय
बेनो जोँनि गामि
ग्रोम ग्रोम रायजो जानाय
-
सोरांसि सोरांसि दाउला गेसेरनाय
हाल हुरनलांनाय
बेनो जोँनि गामि
हाल खदालजोँ आबाद मावनाय
-
बायदि खना खना मैगंनि बारि
लाय लाफा बायदि मुलानि
बेनो जोँनि गामि
आंखाल गैया मैगं थायगंनि
-
मन्दिर गिर्जा बाथौ फुजा
सैथो जोँनि सिबिसालि
बेनो जोँनि गामि
गय थाइजौ खान्थाल बारि फुंनि।