आंनि बिखायाव रमान्सनि दोहौआ
सौयै सौयै सौग्लि फैदोँ
लावरि लावरि आसिखौ फोलावनानै
लेँहरो सोर रजे
फै फै होन्नानै
-
लाजियोबो अखा मोफ्लामनाय बादि
मेगन थाइनैखौ बेखेवाहां बेखेवाहां जानाय
गोदोनायाव सनाथि लकेटनि
जोँथि जिक मिक रजेनि
रिमोनदो रिमोनदो रेसमनि खानाय
-
सोर रजे मेगनाव
साया-माया आमै मै गेलेफैयो
बिबारजोँ साजायनाय बिबारि एमआव
आय' बियो सिमां ना मोकथां?
-
निहोर सिनाय बारबादि
बिलिर फैयो हां नोँनि
रेसम खानायनि मोसानाय
जारौ नोँनि गुसुथिजोँ
दा मिनिसै रजे सोमस्रि मनालिसानि
-
मोनसे दैसा नोँनिसिम थानायब्ला
रजे आं गोजाव लांगौमोन
आंनि बिखा रमान्सनि दोहौआ
नोँनि हांजोँ गोरोब हैगौमोन
-
नाथाय जायख्लंबारिनि नोँ सिमां
बेसर बिबारनि मोदैजोँ
बेरे सिखिरिबादि जेन' आंदि
गांखं बुब्राबलांनो हालिया
बे सिमांखौ माला सुजुनो बहा!
This poem has not been translated into any other language yet.
I would like to translate this poem