आयं बेग्रांनि जिउनि हिसाब Poem by Ronjoy Brahma

आसि गान्थिखौ दैयै दैयै
सानाखै बियो
दाजाब आरो सानजाबजोँ
नकिया जानबुंआवबो
कुलकलिटर खालामाखै
-
बियो सान्दोँ जोमै नायदावनानै
खाफाल हमै हमै
जोनोमनिफ्राय दिनैसिम जिउनि हिसाब
-
आसि मोनफानि उनाव मोनफायै
नाल दामदोँ बियो
बेयावनो ओँखारदोँ मोनफा हिसाब
गुरब्ला खावब्ला खावब्ला
-
खेबसे मेंख्ल' लावखारखौ दोखो बुनाय
बाथिफारानि सिख्लाखौ एदावनाय
फिथर माहाजोननि बोरमा खावना जानाय
-
नुबारि रुवाथिखौ दर बुनाय
दाहोनाफोरजोँनो बावखाजोँ बुजानाय
मेँबारनि फिसालाखौ बुनायनि
हाथाइ सालियाव सेन्डेल आलायजानाय
-
बेफोर जिउनि हिसाबखौ
बेसेबां दानख'बावनो दिनै आयं
आरोलाय बेसेबां थाबावगोन दानख'बादि
-
मेट्रिकखौ जुदि खेबसे उथ्रिमोनथाइ
बैफोर गोरोन्थिखौ जुदि मावफ्लाङामोनथाइ
बै समाव आं मोजां जानायमोनथाइ
दिनै गोमोन दारियाबो गुफिनलायबाय!