निरासा Poem by Ronjoy Brahma

अमा उरनाय
आबौनि बै हादानाव
लोब लोब थास' रज'लिया दिनै
गुन्दै खालामनो हालिया आबुं खर'खौ
-
बे दैसानि रेगाजोँ
मारुं मोनहैलिया जिउ
साहारा गिदिँ गिदिँ
बेवहायनो गोमायो आगान
-
गोरान हाजोनि बै थिखिनियाव
लोरलिँ लोरलिँ सोलेरनि जुजियारि
अन्थाइ बुखुदोँ थांखिनि
थबस्र थबस्र जदोँ बेन्दोँफ्रा
-
बुरलुंबुथुर दैमायाव
ना मावानि थिफुद्ला गोग्गानाय
बेल्थायदोँ जिउनि दिङाया
जेन्थोरा गिदिँनांगौ गिदिँगासिनो दं
-
फागुणनि सिमलि बेरगावनाय
अख्रां गावनायबादि बांग्रिँ
सिंग्रिमोददा खर' गिदिँदोँ
गाड़ि साखाबादि गोसो फिदिँनानै
-
गोदान मुलुगनि बार नांदोँ खावसे
फागुणनि जेथो बाराव हालाय हाफाय
फानजारि सौसिनो हायै गोरबो
अफ्रि गोजा गंसे गोरबो!
-