नोँनो बावनाय जागोन Poem by Ronjoy Brahma

गोबोर हासारजोँ लाइमोनस्रि
आगै नोँनि महर मुस्रि
मिथिगौ आगै?
बाथोनसे मोसौनि गोबोरजोँ
मैखुन थंग्ला मानो बुंनो?
-
मालायफ्रा जंखाय जायो
आगै फुदपाट्नि डाष्टबिन
हलेबा आं नोँखौ बुङा
दाबोरसे गोबोरनि गोमब्रि फिथाइ
-
दिनै मा मेथाइ सुजुदों
मिथिगौना रजे?
नोँनो बावनाय जागोन
खोनासं सिरि सिरि
गोमोथिँ न'नेमामोना सिरि मोनगोन
-
दमासि फैलायबाय फैलायबाय
आगै हाथाइ गोदाननि मा नांनाय
औवा बिलाइ दं सना गाननो
जबा बिबार दं खफा थुनो
-
आदा मानो नांनाय जाखो
गंगार जांलाफा लाफा जेकेट
बारियाव दंहाय आदा गय दनायखं
गग'लस हमनो
आदा बारियाव दंहाय रैमा बिलाइ
-
नै आगै बोनानै लायगोनलै सना
थालिर गांखंनि एके लानानै
नै आगै खावना लायगोनलै सना
गय दनायखंनि टेकटर लानानै
-
नाङा हाया आदा साखोमोला
आंनो खारसन हैगोन
आंनो खारसन हैगोन आदा
अमा उरनाय उसुंजोँ एब्रेहैगोन
-
जौ बथलनि खर' दांनानै
समाय लादोँलै आगै
सिगेड आखुन्दैखौ साखि दोन्नानै
नोँखौ लायथारगोन आगै लायखाथारगोन
एम्बु गाबनायजोँ दैज्लां फैनायजोँ।