Ronjoy Brahma

Gold Star - 35,252 Points (2 November 1995- / Amteka (Chirang) /Assam, India)

खबाम दोरोद्नाय/खायदा बोराय - Poem by Ronjoy Brahma

बेन्दोँबारि गामिनि रजे चैनारिखौ
आं गोसोथोखोमायो
गोसोथोयो नालाय गोसोथोयो
रजे चैनारिया मिथिहैगारबाय
-
मोखां गुवार सान बिबारजोँ
बेखायनो
मोजां मोन्नायखौ आं रुजुवा
मोदोमनाय गुरै गलाब बिबारजोँसो
-
फागुण थांलाय बैसागु थांलाय
दैज्लां मेसेँ थांलाय
चैनारिनो लाइजाम गांसेबो हरनाय जायाखै
अदेबानि चैनारिखौ बावनोबो हमबायमोन आं
-
मैना खेलायाव थासिमलि खावो
नारेँखल फिथाइ थारुन बेदर
दाउ हांसो हाथारोब्ला बोरमा फान्था
जावलिया जावलिया सोरनि आखल जाखो?
-
जौसे रायजोनि गेजेराव
आंहासो नालिस होजादोँ
आंलायनो चैनारिखौ खावनो थांदोँ
आंलायनो खायदा बोराय बाहायनो उसुं जावदोँ?
-
महराव जेना आखलाव जेना
गामिनि बिदा बिबथै सोमोन्दो जानायमानि
रजे चैनारिखौ बयबो हास्थायो
आरो आंथ' बेसेबांबा हास्थायो
-
मिस चैनारिखौल' गिनाय आरो लाजिनाय दंमोन आंहा
रायजोनि गेजेराव थं गसंना बुंदोँ आं-
-
चैनारिखौ आं मोजां मोनो
नाथाय खायदा बोरायखौ आं बाहायाखै
जानो हागौ चैनारिया आंखौ हास्थायो
बेखायनो बेहा जिउआव सन्देह'
-
जौसेजन रायजोखौ आं फेजेनाखै
अदेबानि आंबो बिसोरनि गेजेन नङा
बेयो मा सिमां रजे?
नोँनि आंनि जुलिया माब्ला जागोन? ?

Topic(s) of this poem: love


Comments about खबाम दोरोद्नाय/खायदा बोराय by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Monday, January 11, 2016



[Report Error]