सल'/ सालाइ खान्दा Poem by Ronjoy Brahma

सल'/ सालाइ खान्दा

Rating: 5.0

रामोन हाजाम बोराया लंलाखौ रायजोनो नालिस होसेयावबो
रायजोफोरा सामलायनो हायाखिसै।
दिनै बेखौनो इउनिट एबसुआ
सामलायनो गोनां जाबाय।
-
बिफां साया।
गावनि बिबुंथियाव रामोनआ बुंबाय-
'थांनाय समबाराव लंलाया
आंनि दाउ बिमाखौ खावदोँ।
खावदोँबो खावदोँ मेजेम बह्रा
बिदै दैहां दैहांखौ।
दा आंनि नालिस होनाया बेनो
आंनो बाजौ रांखौ नांगौ आरो
सिखावआ दाउखि बाद ना
अगरबाद थाङो आं मिथिया।
आंनो बाजौ रांखौ नांगौथारगौ।
बिथांआ खावाखै आरो खावाखै होन्ना बुंदोँ।
नाथाय जोँनि आयं निनाथिया नुथारदोँ बियो बुंनो हागोन।'
आफादगिरिनि सोँनाय लेखा
निनाथिया नुदोँ होन्ना माखासे फोरमान होबाय।
लंलाया गावनि बिबुंथियाव बुंबाय-
'बबे बिमानि फिसाय
सोरनि दाउखौ माला खावखो आंलाइ?
सोरबा रायजोफोरा नुदोँ नामा?
बाथ्राखौ जानला मोनला दाबुं
नोँनिबादि दाउ जोगो जोगो मेल्ला दं आंहा।'
थं गसंना निनाथिया बुंबाय-
'नोँ गस्ला गोजा गानदोँमोन।
दाउखौ नोङो बाथुलजोँ गावना
गोदोना मस्रायना लामानिफ्राय लांनायखौ
देखो देखो नुथारदोँ आं।'
लंलाया थं गसंना बुंबाय-
'आं गावबा रावबो गैयामोन रामोननि न'आव।
नोँ माबोरै नुखो?
जानाय समाव हालेवासो दंफायोमोन,
ना बेसो खिन्थाखो?
आंथ' हालेवखौ दाखिन्था होन्ना बुंदोँमोन।
आं बिनो बिखाखौबो खावसे होलायदोँ।
जौखौबो खाबसे बारा होलायदोँमोन।
बे बेथायानो खिन्थादोँ नामा सुवादा? '
एसेयावनो हालेवआ गसंना बुंबाय-
'आं खिन्थायाखैलै आदा,
आं खिन्थायाखै! '
बयबो आफा खबना होबाय मिनि मिनि,
सोरबा आखायजोँ खुगायाव फेम्फा सुगदावलायबाय।

Wednesday, January 13, 2016
Topic(s) of this poem: story
POET'S NOTES ABOUT THE POEM
Written- January 7 at 7: 45 pm
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success