बेसेबा बोसोर उदैयाव लेर लेर लानानै
जोनोमनि उनाव एम्फौ अरसि अरसि
दिनै फेदेरै फेदेरै फोरोँनानै
आयआ आंखौ बुंहरदोँ-
''मैखौ मोनाब्ला
न'सिम दा गिदिँबोफिन''
-
गंसे सिलाय मोनसे जलंगा हरनानै
हाजोनि लामाजोँ दावखोदोँ आं
गुदु अरन ब्रेव ब्रेव सु
बे लामायाव- -
थाबायदोँ आरो थाबायदोँ आं
-
सियाल गाबो बबेबा हन्थायाव
एम्फौ-एनला रोजाबो
मोसा लख्रा सोगोमो
जिबौ गिथाव बेसेबांबा अरन
-
दाउसिनफोरा दालाइ दालाइ लामा खिन्थायो
सान्दुं थिँ थिँ रिउरिउआ गाबो
साननि जोँनाया खर'आव नांफैयो
-
बे अरननि गोलाव लामायाव
आं उखैयो
लामा थारैनो जायो आं
बेन्दोँ फिथाइ बिजौ बिलाइ
-
आयनि समायजोँ सान्दोँ आं
बै हाजो थिखिनिनिफ्राइ
मै मासे मोनाब्ला
आं गिदिँ लांफिना
-
बे गुदु अरनाव नागिरदोँ आं
सख्रा मै खोथिया मै
समायना समायना मै
जायखौ मोनब्ला आयआ गोजोनगोन
-
आंहा उदै बुंगोन
बयबो सोमोनांगोन आंनि गोहोखौ
This poem has not been translated into any other language yet.
I would like to translate this poem