गोजोन बाराव दान्दिसे Poem by Ronjoy Brahma

थाफ्ला जानाय अलसियाखायनो
सानजानि आलायारनखौ नुवाखिसै
नुवाखिसै सोनाबनि अलंबारा
बबे खनाजोँ एब्रेलांखो?
-
ओइ बिबार नोँ गाबदोँ?
गाब गाब थब सिरि होन्ना
बुंनो सान्दोँमोन आं
दाउलुर दाउस्रिनि खायसोखौ नुनानै
-
अ'- जोबोद समायना!
होन्नानै खेबसे गोब्रामनायसोबादि
सिमलि दालाइनि दाउसिनफोरा
खोनाहैलायदोँमोन
खाब्रां आंनि माथोजोँ मोसाबावदोँसो
-
सिरि सिरि फुं निहोरनि
सिरि सिरि बिलिर फैनाया
मेसेबहोदोँ आंखौ गोसोआव गैयाबादि
-
नै बिरलां नोँसेर बिरलां
बिबारखौ बारनो हो होन्नानै
हब्रा हब्रा बुंनो सान्दोँमोन आं
फुथियै गोजोन बारा खोमालांदोँमोन
-
अनजालि नोँ- -
दमासिया जोब्बाय? होन्ना
साया माया सोँनो नागिरफ्लांदोँ
फैफिन नोँ रजे होन्ना
मोखां जालांनाय बारखौ अनजालि सान्नानै।