आलायारन
जिउनि
मोकथांनि मिजिँनि
-
गाबनो मोजां मोनो आं
थेवबो
मिनिनायासो आंनि थांखि
मिनिनायखौनो नागिरो
-
आं सोरखौ गोसो थोयो
बुंथ'लिया आं
सावगारि बोनानै
मानोना नोँसोर मिथिगौ
-
गोसोआ
जोनोम होदोँ आंखौ
नाथाय
गोसोनि बान्दा नङा आं
गोसोनि बेसेबा नारा-नाथा
-
थांनाय आरो थैनाय
बबेबा दावहाथिलियाव
रोनहोयो ख्लाब-ख्लिब
साननि रोदा रोदा
-
हां खनसे थैयो
हां खनसे थांखांफिनो
खोमसियाव
दुखुआव-दाहायाव
-
आं थैबाय
थैथारबाय आं
जेराव आंनि गोरबो गैया
बेबादि गंसे मुलुगाव
-
महर
गोरबो
जिउ आरो सिमां
गंसे साथानि सिङाव
This poem has not been translated into any other language yet.
I would like to translate this poem