गैया फिन्नाय Poem by Ronjoy Brahma

मोजां मोन्नायखौनो मोजां मोन्दोँ आं
~
आंजोँ रुजु आंजोँ होन्नानै-
गलाब फामे
सान अखाफोरमोनहा
दिन्दांङैनो दं आरो दं
~
तिल'त्तमा सति सिता मेन'का
दांदुलि सोमस्रि मनालिसामोनखौ
गोसोआव बोयै बोयै
नोँनि महरखौ बेखेवाखै आं
~
आरसि मायक्र मेसिन बेरेमोदै
गंगा जमुना दैसा निजोराखौ नायनानै
नोँनि गोरबोखौसो फरायदोँ आं
~
बिजिरना नायदोँ लैथो अख्रां
मेसेँ आरो दैज्लां
सान्ना नायदोँ-
फागुण आरो बैसागुखौ
~
थेवबो फिन्नायखौ-
दानो होनो हाया आं
गोदान हर फैयो
गोदान सान फैयो जेराव।