बेसे लाइजाम लिरनो-
जु जु लोँबाय नोँ-
मन'बाय मन'जोबबाय
गोसोनि खबाम गहेना गासैखौबो।
लाबाय लाबाय लाजोबथारबाय
मेगन मोदै उन्दुनो ओँखारनाय
आंनि मेँनाय गोजांनाय गासैखौबो।
फिन्नाय होआ होआ-
अनजालि नोँ सिमान जा
आं खाना
आं बबि
आं गोथैसो होन्ना।
निहोर आं
अखा आं
सान्दुं आं
मिथिगौ रजे-
दैज्लां आरो मेसेँ आं।
नोँ फोरमान बियोब्ला
कृष्ण जाना दिन्थिगोन आं
ब्लां खौगा सिना सानखौ।
नोँ मोनमान बियोब्ला
आसि थुयै थुयै
दिन्थिगोन कृष्टनि-
बिखा फुवारना जोँनाय सानखौ।
नोँ फोथायथाराब्ला दिन्थिगोन-
हनुमाननि बिखा बोखावना दुंबुर
थैयाव नोँनिनो सावगारि
थै सिङावनि गंसे देराखौ।
माथो सान्दोँ रजे
सिमान जा नोङो-
आं अन्थाइ
आं जिगाब बुन्था
आं सायखं होन्नानै।
This poem has not been translated into any other language yet.
I would like to translate this poem