खोमायाव थायो मोनसे संसार Poem by Ronjoy Brahma

दाउसिनमोना देँखो बोयो
अं अं बेरे बेरेमाया बासा बानायो
खाम सिफुं जथा थर्खामोना
बाज्ल' बाज्ल' बोदोर रंजायो मोसायो
-
सोदोब बिहुं दं बेवहाय
मेथाइ-
सल'-खन्थाइनि खबाम
बेवहाय गोजोनै थायो
ओँथि आरो सोदोबथि जिउनि
-
बेवहाय दं सायनासालि
जाय जेराव मुलुगाव दं
गोसोजोँ नुयो जोँ-
गोरबोजोँ रोखा नुयो
-
हांसो सिलारि गांखं बुब्राबो
दाउराइ जोला मोसायो
दैमा-दैसा बोहैयो बेवहाय
-
माया दं बेवहाय
दं मुगैनाय हास्थायनाय
बेवहाय गोजोन दं दुखु दं
आरो दं सोरां खोमसि
-
मोस्रोम मानबाय फैयो
बेवहाय-
मैदेर आगान होफैयो
सोदोबनि सोदोब गेलेयो
-
बेवहायनो अरायबो-
मेथाइनि मेथाइ
सोर्गो मुलुगनि
थांनाय थैनायनि रादाय
आमाय जुमाय गेलेफैयो।