मुलुगाव Poem by Ronjoy Brahma

सोर्गोनिफ्राय फैदोँ आं
नैबे बिबार बारियाव
बिनि मोदोमनायखौ सोर्गोआव लांफानो
-
मानसिफ्रा बुङो
आंलायनो लंथंयैनो फैदोँमोन
नाथाय आं मेगनखौ
सोर्गोनिफ्रायनो लानाफैदोँ
-
सफैबाय आं
सफैनांगौ जानायाव
नैबे थुनफावथाइखौ नायनोनो
जोबोद गोसोमोन आं बेखौनो
-
दिनै मानसिफ्रा सोङो आंनियाव
नोँ मानि भावथिना खालामनो?
गोनो गोथो जायो आं
-
हादोदनि थाखाय सिन्था खालामनो
ना रमान्सनि बान्दो थेनो?
सोर्गोआव थांफिननो ना
आलो गोजोन अनजालिजोँ संसार जानो?
-
बिबायारि जानो हाया आं
उखैनायनि थाखाय
ओजोँ-
अनजालिखौ नागारथारनोबो हाया आं
-
कालिदासनि गोरबो लानानै
सिन्था खालामो आं
जिउनि फिन्नाय नागिरनानै
जेथोनि उसाव बादाव दुंहाव मोनाबिलियाव
-
नै कालि! कालि
नोँखौ खुलुमो आं
नाथाय-
नोँखि खाफालखौ आंनो दाजाबगोनसै?